رد مبدئي على حلقة “نسب المسيح” في قناة The Other

Sharing is caring!

كتب: وجيه فلبرماير

اولا: بصفة عامة لابد ان اوضح ان من حق اي انسان ان يعبر عن رأيه بحرية تامة وانا مش ضد اي حاجة بتقولوها في البرنامج بتاعكم لكن مايعيب كلامكم مش في الرأي اللى بتقولوه ولكن العيب في الاسلوب الهجومي المتطاول خاصة من جورج والاسلوب الاستهزائي من فويس ومع ذلك تطاولوا واستهزأوا زي مانتوا عاوزين المهم الرد على كلامكم.

ثانيا: انا خدت عهد على نفسي اني مش هاظهر في اي نقاش معكم الا بعد امرين: الاول اني انشر فيديو يرد على كل اطروحاتكم تقريبا او النقط الجوهرية فيها وتشوفوا ردي على قناتي وبعد كده ممكن نحدد وقت للمناظرة مناسب للطرفين ويكون فيه شخص تالت محايد يقوم بتحديد الوقت لكل طرف ويمنع التطاول واسلوب الشخصنة اللى بتتبعوه.

الرد الكامل بخصوص نسب المسيح

انا اعتراضي على تصور فويس الخاطئ وهو تصوره ان مملكة المسيح هي مملكة ارضية وليست روحية ولما كتبت الكلام ده قوبل بالشخصنة والاستفزاز ، ايوه العهد القديم اكد ان مملكة المسيح هي مملكة روحية وفويس تحدى اني اجيب نصوص من العهد القديم تقول انها مملكة روحية وانا احضرت له هذه النصوص

Isa 9:6

لأَنَّهُ يُولَدُ لَنَا وَلَدٌ وَنُعْطَى ابْناً وَتَكُونُ الرِّيَاسَةُ عَلَى كَتِفِهِ وَيُدْعَى اسْمُهُ عَجِيباً مُشِيراً إِلَهاً قَدِيراً أَباً أَبَدِيّاً رَئِيسَ السَّلاَمِ.

سفر اشعياء 25
25: 8 يبلع الموت الى الابد و يمسح السيد الرب الدموع عن كل الوجوه و ينزع عار شعبه عن كل الارض لان الرب قد تكلم
25: 9 و يقال في ذلك اليوم هوذا هذا الهنا انتظرناه فخلصنا هذا هو الرب انتظرناه نبتهج و نفرح بخلاصه
الرب في مجيؤه ينتصر علي الموت وينزع عار ابناؤه وهو الهنا الرب المخلص الذي انتظرنا مجيؤه ونفرح ونبتهج بمجيؤه وخلاصه وانتصاره علي الموت

سفر اشعياء 40
40: 9 على جبل عال اصعدي يا مبشرة صهيون ارفعي صوتك بقوة يا مبشرة اورشليم ارفعي لا تخافي قولي لمدن يهوذا هوذا الهك
40: 10 هوذا السيد الرب بقوة ياتي و ذراعه تحكم له هوذا اجرته معه و عملته قدامه
40: 11 كراع يرعى قطيعه بذراعه يجمع الحملان و في حضنه يحملها و يقود المرضعات
فالاتي هو السيد الرب نفسه وهو اله يهوذا وبذراعه وبنفسه يحكم ويصبح كراعي يرعي شعبه ويسير امامهم ويخلصهم

سفر اشعياء 59
59: 13 تعدينا و كذبنا على الرب وحدنا من وراء الهنا تكلمنا بالظلم و المعصية حبلنا و لهجنا من القلب بكلام الكذب
59: 14 و قد ارتد الحق الى الوراء و العدل يقف بعيدا لان الصدق سقط في الشارع و الاستقامة لا تستطيع الدخول
59: 15 و صار الصدق معدوما و الحائد عن الشر يسلب فراى الرب و ساء في عينيه انه ليس عدل
59: 16 فراى انه ليس انسان و تحير من انه ليس شفيع فخلصت ذراعه لنفسه و بره هو عضده
59: 17 فلبس البر كدرع و خوذة الخلاص على راسه و لبس ثياب الانتقام كلباس و اكتسى بالغيرة كرداء
59: 18 حسب الاعمال هكذا يجازي مبغضيه سخطا و اعداءه عقابا جزاء يجازي الجزائر
59: 19 فيخافون من المغرب اسم الرب و من مشرق الشمس مجده عندما ياتي العدو كنهر فنفخة الرب تدفعه
59: 20 و ياتي الفادي الى صهيون و الى التائبين عن المعصية في يعقوب يقول الرب

سفر ارميا 23
23: 5 ها ايام تاتي يقول الرب و اقيم لداود غصن بر فيملك ملك و ينجح و يجري حقا و عدلا في الارض
23: 6 في ايامه يخلص يهوذا و يسكن اسرائيل امنا و هذا هو اسمه الذي يدعونه به الرب برنا
في ملئ الزمان ياتي المخلص وهو الرب نفسه لان اسمه الرب برنا

سفر دانيال 7
7: 13 كنت ارى في رؤى الليل و اذا مع سحب السماء مثل ابن انسان اتى و جاء الى القديم الايام فقربوه قدامه
7: 14 فاعطي سلطانا و مجدا و ملكوتا لتتعبد له كل الشعوب و الامم و الالسنة سلطانه سلطان ابدي ما لن يزول و ملكوته ما لا ينقرض
7: 22 حتى جاء القديم الايام و اعطي الدين لقديسي العلي و بلغ الوقت فامتلك القديسون المملكة
وابن الانسان له سلطانا ومجدا وملكوتا لتعبده كل الشعوب وسلطانه ابدي وهو يقدس تابعينه والاب يعطي الدين لقديسي العلي اي ابن الانسان هو العلي لانه هو الذي قدسهم وهم يتعبدون له لان ابن الانسان وقديم الايام واحد

سفر ميخا 5
5: 2 اما انت يا بيت لحم افراتة و انت صغيرة ان تكوني بين الوف يهوذا فمنك يخرج لي الذي يكون متسلطا على اسرائيل و مخارجه منذ القديم منذ ايام الازل

سفر ملاخي 3
3: 1 هانذا ارسل ملاكي فيهيء الطريق امامي و ياتي بغتة الى هيكله السيد الذي تطلبونه و ملاك العهد الذي تسرون به هوذا ياتي قال رب الجنود

سفر ارميا 23
23: 5 ها ايام تاتي يقول الرب و اقيم لداود غصن بر فيملك ملك و ينجح و يجري حقا و عدلا في الارض
23: 6 في ايامه يخلص يهوذا و يسكن اسرائيل امنا و هذا هو اسمه الذي يدعونه به الرب برنا

اكبر دليل على ان ملك المسيح روحي هو المسيح نفسه لاهو كون جيش ولا لجأ للسلاح ولا استخدم القوة ولابنى قصر ملكي ولا حارب الرومان ليحرر اليهود بل هو ملك ملك روحي على من سمعوا له.

طريقة فويس في الرد على هذا الكلام ساذجة جدا، انه بيقول اذاً المسيح بتاعنا مش هو المسيح لانه لم يجلس على كرسي دواود ولم يحكم كملك بل وتمادي وكذب وقال ان العهد القديم لايقر بالملك الروحي للمسيح علشان يثبت ان كذبته كلام صحيح ولكن الحقيقة واضحة في النصوص اللى ذكرتها من العهد القديم والحقيقة ان تعاليم المسيحية تنسجم تماما مع حياة المسيح ودعوته والنبؤات التى قيلت عنه فيقوم فويس يقول ماشي هو ملك بتاعكم بس مش هو الملك اللى كتب عنه العهد القديم .. اي غباء هذا؟؟؟ يعنى انت بتفرض علي ان المسيح لازم يكون ملك متوج له قصر وجيش ويحارب وينتصر في حروب مثل داود والا ميبقاش المسيح .. هو انا يعنى لازم التزم بتصورك ده؟ ليه هو انت كنت نبي مثلا؟؟

يعنى انت يافويس افترضت ان العهد القديم بيتكلم عن ملك ارضي للمسيح وافترضت انه لو لم يكن ملكه ارضى فاذاً هو ليس المسيح … اللى بتقوله ده هو كلام اليهود اللى بينكروا المسيح .. ايه اللى انت يخليك تؤكد هذا الافتراض الكاذب؟؟؟ مافيش .. ولا اليهود يقدروا يؤكدوه ولم يستطيعوا طوال الفي عام

بالنسبة لنسب المسيح:

لكل مسيحي يعيش الآن انا باقولها لك صريحة وواضحة ان نسب المسيح الجسدي بالنسبة للايمان المسيحي ليس ذو اهمية بالمرة، واهمية ماكتب في الاناجيل عن نسب المسيح هو سببه انهم كانوا معاصرين له وهناك امور حتمية لابد ان يتبعوها بسبب نظام الحكم اللى كان موجود. لكن انا كمسيحي اؤمن ان المسيح ولد من العذراء مريم بقوة الروح القدس ولايهمنى اساسا اذا كان ابوه الشرعي يوسف او ابراهيم او دواد او سليمان او غيره ولكن …

في هذا الوقت كانت فلسطين محتلة من الرومان واليهود تحت الاحتلال ولكن تم منحهم نوع من الحكم الذاتي بالشرائع اليهودية (الاحوال الشخصية) فلنتخيل اولا ان العذراء حبلت بدون رجلها يوسف كانت سترجم وهي حامل هي وطفلها حسب شريعة اليهود. وطبعا بالاضافة الى ان هناك نبؤات في العهد القديم لابد وان تتحقق.

ففكرة خطوبة العذراء ليوسف رجلها هي حماية لها من قانون الرجم للزانية اي انها امام عامة الناس هي متزوجة والمسيح هو ابن يوسف (شكلا من اجل القوانين والشرائع) ولكن الحقيقة انها ولدت المسيح بدون مس بشر.

مش عارف انا ليه فويس منفعل لذكر نسب المسيح من كلا الجانبين الاب والام .. ايه المشكلة يعنى اني انا عايز اسجل نسب ابويا وامي واكتب انا اتولدت من امي فلانة بنت فلان بنت علان ومن ابي فلان ابن فلان ابن علان.. ايه المشكلة يعنى .. هو دا ممنوع من الذكر او الكتابة في كتاب العهد الجديد .. يااخى كل واحد حر يكتب ويؤرخ اللى يكتبه .. انت ايه اللى حاذقك؟؟؟

النقطة الاولى بالنسبة لناثان وسليمان ايه المشكلة يااخي اني ابحث عن اصل جد امي وجد ابويا والاقيهم الاتنين مثلا في الجد السادس او السابع او التامن يلتقوا في جد واحد .. دواد هو الجد الاكبر لكل من العذراء مريم ويوسف النجار .. حد منهم جه من ناثان والتاني من سليمان والاب واحد هو داود ايه انت اللى مخليك تزعق وتملا الدنيا ضجيج .. ايه المشكلة يعنى؟؟؟

النقطة التانية بالنسبة لمصدر قائمة النسب، المصدر الاصلي ليس سفر الايام ولا متى ولا لوقا ، المصدر الاصلي هو حاجة اسمها “سجل مواليد ونسب اليهود الرسمية” زي بالضبط مانت بتاخد مستخرج رسمي بشهادة ميلادك لما تروح تطلعها من السلطات او الشهر العقاري او المواليد والوفيات ، فما كتبه سفر الايام ومتى ولوقا هو من هذا المصدر اليهود الرسمي الشرعي .. حذف اسماء لم يقم بها متى ولكن قام بها اليهود انفسهم حذفوا بعض الاسماء لاسباب تتعلق بهم فهو نقلها حسب ماهي متسجلة ناقصة او محذوف منها اسماء.

اما اعتراض جورج ريسا وهريسه هو كما قلت ان كل واحد خد من السجلات الرسمية وكتب حط ريسا ولا شال هريسة دي مش نقطة جوهرية .. المهم  كان نسب المسيح ، طيب هو بيسأل وبيقول طيب ربنا ليه وجع دماغنا بكل الكلام ده ماكان يقولنا المسيح ولد من نسل دواود وخلصنا .. وهو يعنى جورج احيانا فاكر ان هو اللى صنع الكون وبيرتبه حسب تفكيره ازاي؟؟

لو المسألة تتعلق باجيال لاحقة كان هايكون افتراضك صح وهو اللى انا قلته في البداية ، انا كمسيحي لايهمنى ريسا ولا هريسة لكن يهمنى ان المسيح مولد بالروح القدس وكل القائمة دي لاتهمنى في شئ سوى انها معلومة تاريخية لااكثر ولا اقل ان زادت او نقصت لن تلغي هذه الحقيقة التى اؤمن بها.

لكن انا باقول لجورج ان متى بيبشر الناس بالمسيح والناس دي اغلبها يهود يعنى عندهم عقلية تختلف تماما عن باقي البشر ودي حاجة معروفة حتى لغاية النهارده .. فكان لازم يخاطب اليهود بلغة مدعمة من التوراة او التاريخ اليهودي او الشرائع اليهودية، وده اقدر انا افهمه بالمنطق ان متى كتب وقتها بيخاطب الناس باللغة والمعلومات اللى توصل لهم المعلومة.

زي بالضبط لما انت كنت بتستعمل ويندوز اول اصدار كانت الشاشة سودا ماينفعش تستخدم شاشة ملونة ماكنتش لسه طلعت ، فتيجي انت النهارده تقول الناس بتوع زمان متخلفين ليه بيستعملوا شاشة سودا مش ملونة .. المنطق بيقول علشان كان لازم الناس تستنى عشر او خمسة عشر سنة لغاية مايخترعوا الشاشة الملونة ..

هو دا المبرر اللى خلى متى يستخدم النسب لانه لو اختصر الموضوع في القول ان المسيح هو من نسل داود كان ممكن يتضرب ويتهموه بالجنون من الجميع ، هي دي اللغة والطريقة والمنهج اللى يصل به للشعب اليهودي بانه يذكر نسب المسيح.

كلمة اخيرة لفويس: اللى قعد يزعق ويقولي “مادرستش” طيب لما مادرستش بتتكلم ليه .. ياحبيبي لما انت تتكلم ماتقصش الكلام وتبنى عليه الرط اللى بترطه ، اقرأ الكلام كامل، من الطبيعي ان الكتاب فيه الف موضوع وموضوع وانا اوغيري مش لازم نكون متعمقين في النقطة اللى بتطرحها في نفس التوقيت فمش علشان انت جاهز تناقش نقطة معينة يبقى لازم الكل يبقى جاهز؟ عادي جدا ان الواحد يدرس موضوع ما في العقيدة لم يتعمق فيه لكن انت حاولت تزعق وتقول وكانها وصمة او ضعف او عدم فهم وده انا باسميه تشخيص وعدم موضوعية وبرضه اسلوب التسفيه من الراي الاخر هو نوع من التشخيص

المهم اللى عايز اقوله لفويس ايوه التلاميذ والمسيح نفسه كانت ثقافتهم هي ثقافة يهودية وبالعقيدة اليهودية وتعلموا في الهيكل اليهودي وكان وقتها في ايدهم كتب اليهود والتوارة وليس اي كتب اخرى فتعلم التلاميذ والمسيح من تعاليم اليهود

بالنسبة للتلمود والتراث اليهودي حتى ايام المسيح كان تقريبا 90 في المائة منه شفوي وهناك ماهو مدون وخاصة الشرائع كانت مدونة خاصة فيما يتعلق بالنسب بسبب التوريث وعدم تفتيت الارض اسباب اخرى تتعلق بالقوانين التى وضعت في التوارة. التلمود الحالي اللى هو اجزاء كثيرة تم تدوينه بالكامل بعد المسيح بمائتي عام تقريبا وفيه كم كبير من الامور الكاذبة والافتراءات فتيجي انت تقولي .. تؤمن انت بالتلمود؟ .. ايه السؤال الغبي ده .. انا ليه هاؤمن بالتلمود طالما انا مسيحي؟؟؟

انا باتكلم عن توقيت المسيح نفسه وتوقيت التلاميذ وقتها كان التلمود لم يدون الا جزء لايتجاوز حتى 10 في المائة منه ، اما ماكتب بعد ذلك في التلمود هو مبنى على ماتم بعد 200 سنة من المسيح واكيد هايكون فيه اتهام للعذراء بالزنا وهو اتهام كاذب لانه لو كان صحيحا لرجمت العذراء والمسيح في احشاؤها.

الشبهات انتوا اللى بتصنوعها وانتوا اللى بتنفخوا فيها وانا اعدكم بفيديو مفصل مفحم يدمر معظم ادعاؤكم وبعدين نشوف اذا كان فيه مناظرة او لأ .. لكن لازم الكلام يترد عليه بالمراجع اللى مش عاجبه جورج اللى اصلا بيجي له حالة جنون لما حد يتكلم عن المراجع وبعدين باقوله ماتربطش بينى وبين وحيد ورشيد ووليد .. انا مالي انا لما باتكلم عن حاجة باتكلم باسمي وجيه ماتربطنيش بحد تاني وماتسخرش على كلامي علشان انت مش الحقيقة المطلقة .. عايز ترد ترد بأدب .. واحترام .. ولازم تحط في اعتبارك ان كلامكم مردود عليه ودي حاجة ماتزعلش وماتخلكش تنط تدخل في السقف زي مابتعمل.

وانتظروا مني فيديو يرد بالتفصيل على اطروحاتكم بخصوص نسب المسيح والموضوعات الآخرى لان الوقت لم يسمح

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *